ضومين العملات الرقمية

ضومين العملات الرقمية

                    سلسلة كاملة تعليمية مكتوبة بخط يدي.

الحلقة الأولى تمهيدية & تحفيزية:

ماشي عيب أنك ماتكونش عارف شي حاجة، و لكن العيب هو أن كولشي قدامك و مباغيش تعلم.

     ماشي عيب أنك تبقا فبلاصتك، و لكن العيب هو أن صاحبك هرب عليك في طريق النجاح و أنت مزال مقوقع في البلاصة الي خلاك فيها ولا وليتي اكفس ݣاع...

     ماشي عيب أنك متربحش من الأنترنيت، و لكن العيب هو أنك كتشوف الناس كتربح قدام عينيك وأنت حال فمك بحال الضبع.

      ماشي عيب أن حسابك البنكي ايكون خاوي، و لكن العيب هو أنك تشوف صاحبك كيتقاتل ايرجع المبلغ الي فحسابو البنكي قد رقم هاتف تيليفون صاحبتك الي واخذالك كل وقتك ... 

  

صديقي، نوض، تݣعد، وجمع الوقفة وركز معايا، عنديلك شي حاجة الي ممكن تغير حياتك رأسا على عقب... 

ضومين العملات الرقمية

باسم الله ، على بركة الله...

فمن بعد ما شفت مختلف الطرق الي ممكن كل واحد ايتعلم ثم ايربح منها فهاد المجموعة الجد رائعة،( ايباي، دروبشيبيتغ، ادسنس الي ناضت عليه الحيحة مؤخرا😆😆....)، فماطحتش عيني على شي منشور كيتكلم على "الربح من #العملات_الرقمية"، فقررت أني انشارك معكم أحبتي سلسلة تعليـــمية مكتوبة بالدارجة لكيفية الربح من هاد الضومين، وكاتخص بزاف الناس الي معارفينش هاد المجال بالمرة، ولا هاملينو بحكم الريـــــــسك و التخرميز اللي فيه، فهاد السلسلة انمشي معك أصديقي من الصفر حتا تعرف اساسيات العمل فهاد المجال، وغادي نشارك معك كذلك طرق سريعة الي تقدر  تجيبليك أرباح كتفوت 100% في كل اسبوع... وباستثمار بسيط جدا... (طبعا راك عارف مكينش مصطلح "مضمون في الانترنيت" لكن نحاولو نكثرو احتمالات النجاح باذن الله)...

كلنا على وعي تام أن فهاد الزمان الي ماعندو فلوس كلامو مسوس؛ باغي كلامك إيحلى عليك ب"الإستثمار في راسك أولا"، وتبدل ديك العقلية ديال التبعية ثانيا و اغتنامك للفرص الي كاتاحليك ثالثا، وربي عوين...

مكاينش شي حد ماباغيش الفلوس، ايلى كان عندو الملايين ايبغي الملايير...، هادي غريزة في الإنسان، كاين الي كايعتابرها طمع لكن احنا ناس ايجابيين كنشوفوها من منظور الطموح وباش نزيدو للقدام، يعني من حياة عادية الى حياة الرقي و الطوب، وهنا كاين   اللي كايقلب على السبة الي ايلعن بيها واقعه، وكاين آخر كايقلب مزيان باش ايلقا الحلول اللي ايوصلوه لدكشي الي باغي ...😉 

كاين الي كتّاحليه فرصة كايغتانمها، وكاين الي كايبقا حال فمو واصحابو ضاربين منها الصرف،💰💰و الكارثي كاتلقاه كاينتقاد فيهم...

جزء كبير ديال الشباب ماباغي ايدير والو وفي نفس الوقت باغي تكون عندو اللعاقة، والطوموبيل الڥيلا و... و وعدد صغير الي كايتقاتل باش ايوصل لهدشي، وما بين الطبقتين الكثير الي غير موضر معارفش تا آش باغي وتاهو كايحلم تكون عندو اللعاقة 😜... وشتان مابين طبقة وأخرى...

ماشي تشعل دك المشقوف والويفي وتبقا عاطيها الفايسبوك والدريات والنكت وتجي فللخر تبدا علينا تفو على بلاد، المشكل فيك انت اللول أصديقي عاد البلاد... الفلوس راه ماكاتصبش من السماء، بلا ماتحلم خاوي هاوي، خاصك مجهود، خاصك وقت، خاصك تحل دماغك، وخاصك اهتمام و إرادة بالدرجة الأولى.

داك النابوبي ديال المغرب مافيه مايدار، هو فعلا راه مافيه مايدار ايلى كنتي معول عليه ايحسن ليك من مستوى حياتك، لكن في المقابل راه هاد الكلام ولى ݣديــــم، "حاليا كاينة أكثر من طريقة" باش تضبر على راسك براسك... واللي عندو باب واحد غير الله ايسدو عليه، وإيلى بقيتي معول على الدولة تخدمك وتبنيليك مستقبلك بقيتي تما... حتا واخا نقولو خدمتي فراه دخلك المــــادي ايكون ديما محدود.😅

نوض أخاي وماتبقاش جالس تسنا، نوض تحرك، خدم دماغك، وإستغل فقط الوسائل المتاحة، والي مكاتحتاجش منك طبعا طاقة خيالية... كاتحتاج منك فقط "فكرة التغيير للأفضل ثم البحث فالمبـــــــــادرة".

كاتشكا معندكش مكان فين دير مشروع، كاتبكي معندكش راس المال كبير، أنا نقولك ♡إيلى عندك حاسوب أو هاتف ذكي، وفيهم أنترنيت♡، إذن خاص تكون عندك اللعاقة اعشيري... مللخر... إيلى باقي مزال كاتصبّح على أمك ولا پاك باش تدير قهيوة، فاسمحلي المشكل فيك انت ماشي في الدولة وماشي في المحيط، بالرغم من أن عندهم تأثير وخصوصا من منظور التفكير.

الوقت والزمان المعاصر الي كنعيشو فيه، سهًل المأموية على الشباب، كاين شباب الي كاتضرب اكثر من وزير، آيييه خاي، إنها "ثورة العمل على الأنترنيت"، المشاريع الإفتراضية هي صناعة قائمة بذاتها، وبل وهي المستقبل ديال الدراوش... أما الأغنياء هادوك فينما كانت ريحة الربح مليوحين ليها... واقعي ولا إفتراضي... كيتك أنت الي مزلوط وكتعاير فيه 😜😜

ماتسمعش مشاريع افتراضية واتضهشر، عادي جدا... فايلى مكانش عندك الملاييين باش تبني شي مشروع، هادي ندوزوها وطبعا مقنعة، و لكن ايلى مباغيش تربح باستثمار غير 1000 درهم أول أقل، فغير سير تموت ولا دفن راسك وأنت حي، مللخر أصاحبي😜😜

الموجة الصاعدة ديال الربح اونلاين، هي هادشي ديال "العملات الرقمية و التجارة الإلكترونية"، منشورات التجارة الإلكترونية بحال الشتاء في الكروب، ونتمنا هاد السلسلة د العملات الرقمية تكون مربحة ايضا، بالرغم من انه دومين الي نسبة الريسك فيه كبيرة بزاف، لكن في المقابل الأرباح ديالو شي حاجة الهربة بجهد... بمعنى ايلى مكنتيش ناضي ممكن راس مالك ايطير فرمشة عين، وايلى كنتي شوية مزوهر ممكن تضرب الضربة الصحيحة...

بخصوص:

*  انت الي ديجا خدمتي في الدومين، حيد عليكك الأحكام المسبقة، وتعامل وكأنك مبتدئ، وايلى عندك شي حاجة مفيدة متبخلش علينا بيها مشكورا .. 

* أنت الي راك ديجا خدام وعندك صالير نعام آس، وكتقول صاف راني بخير، ومتبعلي منشورات دالحب والضحك الي ماكاتربح منهم والو لجيبك، مرة مرة هرس الروتين بشي فكرة دشي مشروع الي ايجيب ليك صريف... ناس ولات خدامة غير في العالم الإفتراضي وكاتربح منو فلوس كثيرة... وشخصيا الناس الي كنعرف غير فالفايسبوك تقريبا 96% منهم افتراضيين وضاربين ايديهم في النت،  ورجال على بعض "..." الي كنعرفهم في الواقع..

الحمد لله، هذا من فضل ربي.

سو...

نوض تكعد؛ وماتبقاش عاطيها للأسباب الي تخليك في بلاصتك، قلّب على الحلول الي تزيد بيك للقدام و الأحسن...

العملات الرقمية pdf

بحث حول العملات الرقمية

افضل العملات الرقمية للاستثمار

اسعار العملات الرقمية مقابل الدولار

مشاريع مربحة جدا براس مال صغير جدا في المغرب

انواع العملات الرقمية

اسماء العملات الرقمية

عملة رقمية بحرف الباء

انواع العملات الالكترونية