مشروع من 0 درهم رأسمال

السلام عليكم إخوتي حياكم الله جميعا

بزاف ديال الإخوان كيقول فمنشور بغيت مشروع من 0 درهم رأسمال خويا أو أختي صحيحة ديالك راها رأسمال ، عقلك وحسن تفكيرك راه رأسمال الحيوية والنشاط ديالك راه رأسمال لكن هادشي كامل هملتيه وأنت شاد تلفون فإيديك وكتسنى الرزق يطيح من السماء التي لا تمطر ذهبا ولا فضة.

أول حاجة أخرج للشمش وأخرج من منطقة الظل ونزل للواقع فيق الصباح ونزل لأي سوق كيما كان سوق خضرة سوق حوايج ، جوطية دور وشوف بعينيك شوف الناس كي خدامة وحاول تعرف على الحرايفية بشوية بشوية حتى دير صحاب منهم ويبداو تثيقوا فيك مرة تقابل مع هذا مرة تمد يد المساعدة لهذا ويكون راسك صغير ووالله وكنتي فالمستوى حتى يحطوا ليك السلعة باش تخدم ويعاونوك تبيع وتشري أكيد هادشي مكيجيش بين يوم وليلة هادشي بغا شهور من الصبر والإهتمام والتواضع مغنكدبش عليك إيلا قلت ليك 80 % من تجار وفراشة ديال غراج علال ودرب عمر مخدامينش براسمالهم خدامين بكلمة الشرف والمعقول والصبر والتواضع.