كوكيز شوكولا "من عند اخوكم عبد العزيز

كوكيز شوكولا "من عند اخوكم عبد العزيز 

كوكيز بالطريقة الأصلية🍪cookies

 😃😃 الطريقة:كنشدو 200غ ديال سنيدة مايعادل كاس و ثلت ديال العنبة كنديروها ف كسرونة كنزيدو عليها نصف كاس ديال الماء(العنبة)ونوضعوها فوق النار حتي يبدا يغلي شوية او نحيدوه او ف نفس الوقت نشدو بيضة واحدة نطربوها مزيان مع شوية سنيدة من داك 200غ لعبارنا قبل ديال سنيدة او نزيدو عليها واحد فانية اوحنا كنطربو مزيان تضاعف الحجم ديالها من بعد نزيدو داك سكر ليداب بشوية بشوية على داك البيض و فنفس لوقت كنطربو حتى يبرد سكر ف داك البيض اونزيدو عليها 125غ ديال زبدة رومي او2معالق كبار ديال كاكاو او نطربوهم مزيان اومن بعد نزيدو 250غ ديال الدقيق غير بشوية بشوية تتجمع الخليط (مايعادل 2كيسان العنبة عامريين مزيان) وخمارة ونصف و160غ من حبيبات الشوكولا (لكدارو ف كوكيز راه معروفين) او نخليوها شي 20 دقيقة ترتاح اومن بعد نديروها على شكل كويرات او نوضعوها ف البلاكة ديالنا مفرش بورق الزبدة ندخلوها طيب على حرارة 180 و 15 دقيقة تقريبا ف الوقت (راه كتطيب بزربة تبدا تشقق عرفوها طابت

ملاحضة : هد روسيت كتبغي لمقادير تكون مضبوطة

او بصحتكم

كوكيز شوكولا "من عند اخوكم عبد العزيز 

بسبوسة البيضة الواحدة بعصير البرتقال هائلة غادي تحمر لك وجهك قدام ضيوفك

سبوسة بنكهة البرتقال"من عند اخوكم عبد العزيز 😃😃

الطريقة :كناخدو اناء كنوضعو فيه 2بيضات مع قبسة ملح وكاس الا ربع ديال السنيدة (بعبار العنبة) وفانية واحدة ونطربوهم مزيااان تضاعف الحجم ديالهم او نزيدو عليه كاس زيت غير مملوء (العنبة)وكاس عصير البرتقال (العنبة)نزيدو نطربو شوية او نحبسو من بعد نزيدو عليه ملعقة كبيرة من لكونفتير ديال الحلويات و4ملاعق كبيرة من الكوك و2كوؤس ونصف(العنبة) تقريبا ديال سميدة رقيقة(بحال ديال لحرشة) وخمارة ونصف ونخلطو المكونات جميع تنسجمو

ملاحضة سميدة نزيدوها بشوية بشوية تنسجمو حيت خاص الخليط ايجي متوسط يعني مجيش جاري اومجيش تقيل بزاااف

من بعد نوضعوها ف المول ديالنا وندخلوها للفرن ايكون مسخن مزيااان تتحمر من لتحت او نهبطوها تحمر من الفوق

الوقت لهيا كطيب ف الفرن نصوبو السيرو ناخدو كاسرونة نوضعو فيه تقريبا نصف كاس السنيدة مع كاس ديال الماء وشي قطع من الحامض نوضعوها فوق نار متوسطة تبدا اتقال لينا سكر شوية ندخلوه للثلاجة ابرد مزيااان غير نخرجو البسبوسة من الفرن نسقيوها بداك سيرو مزيااان او نخلوها تبرد عاد نقطعوها بالنسبة للتزيين حسب الرغبة

بينيي ام وليد وصفة مكتوبة

زاكورة نيوز