دراسة جدوى مشروع محل عصائر طبيعية

دراسة جدوى مشروع محل عصائر طبيعية

كيفية انشا مشروع محلبة او ملبنة بالمغرب

من بعد 9سنوات فالميدان غنعاود لكم على خدمتي اقدر كاينين ناس هنا بغاو او كيفكروا اديروا هد المشروع والكن مترددين مهم مشروع إنشاء محلبة او مجبة هد الخدمة هدي فيها الخير اخوتي مشروع راس مالوااا ماشي بزاف يكفي واحد 5مليون غتبداا مخير كاع هدشي من بعد اصلاح المحال اهم حاجة فالمحلبة هو داك الموقع حدا المستشفايات المقطاعات الجماعات المقطاعات القيادات المدارس فين كيكونوا ناس او حتى فشوارع لي كتكون باينة مهم غير تبان او متكونش مخبع

 تلاجة كنطوار سيطيرنة ديال اللبن ثلاجة اخرة ديال براا او مواعن اكونوا زوينين طبالي او كرسى راه عطى الله اشكال او انواع او ب اثمنة زوينة كانين لي جهزوا ليك او تعطيهم بشوية بشوية كانت دولة دارة مبادرة كتخلص شي حاجة قليلة بالحق لناس ل عندهم سجل تجاري اكثر من 5سنوات او ديجا مبقيتش عارف واش مزال هدشي اولا لا صراحة من جهت المتريال مكاينش بزاف ميكلفك داكشي والو او كولشي بطبعة الحال اكون نقي كون اكيد غتخدم او زيد على دالك الشخصية ديالك لي خاصك تكون منفاتح مع ناس او مشارك معاهم ديك ضحكة او حسن المعاملة هد المشروع فيه الخير

 غير الكوزينة غتجيب ليك الرزق اللهم بارك أتاي اخوتي 5دراهم فيه شوية حبوب او طوبا د سكر فايت ليا حسبت لقيت غير باكية ديال اتاي ديال نص كيلوا كتخلي ليا 220درهم او مكتبقاش بزاف عندي او المقلة كطيب بيضة فالمقلة ب 2دراهم اصلا 2,50فمقلة بمطيشة او ويلا زتي عليها شوية قزبوا الحار زيتون الحامض او ديرها بالكفتة ديرها بالكروفيت الا كان بلخليع بكولشي هدشي الا كان بنادم كيسولك عليهك راه كتكون اوعر مايكون فشكل اوالمذاق هكاا كتجبد ناس عندك كاس الحليب 3دراهم نص لتر حليب فيه 3دالكيسان كاس اقهوة 5دراهم حليب سخون زيد شوية نسكافي القرعة اولا حط حداها ساشية ديال درهم هدشي راه غير ثمن مناسب او راه فيه الباركة زيد على دالك كيسان الرايب 3دراهم رايب كيتقاد غي بسكر او دنون فاني واحد او خميرة فاني مكاين لا فنيد والا هم يحزنون العواصر فيهم الخير حتى هما الليمون التفاح البنان لافوكاا كول واحد او ثمنانو دير كيسان كبار او داك الخير اكون خاثر ناضي او برع ليا بنادم دير راسك راه انت لي غتشربواا متزرفش عباد الله

 كل واحد كما بغى اكون عطيه وقتوااا هدشي غير شوية من بزاف عطى الله زيد الفطورات دير الزبدة بلدية من بعد غنوريكوم زبدة بلدية كيفاش مهم زبدة زيت البلدية تكون مزيانة املواا ديال اللوز واخا غالي والكن دير حسابك او دير ديال كوكاو او دير العسل ازيد على داك الخير سمن (أودي) دير اركان كدالك دير زيتون غير زيتون ف طبيسيل فيه الفظل اخوتي والله طييسيل ب 3دراهم زيتون كحل كيدير 360 تقريبا لكيلواا راه غتخرج منوا الرزق الوافر زيد بزاف الحوايج فالفطورات اه زيد بيصارة انا كنت كنجيب الفول (إباون) 10دراهم حتى 15درهم راه كينصاوب منهم كوكوت عرفتي اللهم بارك راه كنخدم فيها من صياح حتى توصل ديك العشرة حيث هو كيبغي كل ساعة تزيد عليه الماء راه غير هو فيه الخير الا زتي الماء ماشي كتغش حيث هو دغيااا كيتجمع ويتقال يعني حلال طيب عليك

 مهم دابااااا ندوزوااا الفقرة الاهم ولي خاصك تقنهاا او تكون فيهاااا معلم معلم معلم الا متوفقتيش فهدي راك غادي فالخسران لي هي اللبن البلدي اللبن اخوتي شوفواا شي فلاح اولا شي حد كيفرق الحليب كيبيع بتسقيط خودوا من نعدوا الحليب ريبوه في ضرف نهار على حساب دراجة الحرارة حيث هو كل مرة او اوقتاش كيريب صيف ماشي بحال البرد او فاش اريب نخضواا كاين ديناموا كيتباع اوبأقل ثمن فاش غتنخضوااا مضربش به بزاف باش ميكونش جاري ليك واخا غيعطيك زبدة قليلة حيث فالاصل ديك بزدة لي كتخليه خاطر ضرب بيه تبان ليك زبدة تالعاط شوية حبس احيدها خوي اللبن ف سيتيرنا حيث فقانون اللبن الاضربتي به بزاف ف نخاضة غيعطيك بزاف ديال الزبدة والكن اللبن غيكون بحال الماء جاري حيث قتلتيه صافي ويلا ضربتي غي شوية غيعطيك شوية ديال الزبدة ولكن اللبن واعر يعني اللهم تسمح ف شوية زبدة حيث الكليان ديال للبن هما لي كثار ويلا عندك كليان ديال للبن صافي راه عندك كليان ديال خوايج اوخرين البيض الفرماج الحليب حيث ضروري ازيد اتقدى من عندك او هانتا بعتي اوشريتي مخير بردوااا او فاش ابرد دير واحد العملية قليل لي كيديرهااا لي هي خلي اللبن حتى ازكى راه غيستي ليك الماء لي فيه الفوق دير شي غراف جمعوااا او خويه سمح فيه غتكولوا ليه راه انت ضايع فيه ايه داك الماء شريتوااا فيه او غنضيع فيه والكن راه الا حيدتو غيخلي ليا واحد الختورية لي تخلي عباد الله تجي من كل فج عميق لعندك عرفتي ش ناهي اكون عندك اللبن خاثر راه صافي لي داه عندك غيرجع او الهضرة كدور صافي غتكون انت هو الخطير انت لي كاين راك اوصلتي فاللبن راه اللبن كيخلي 46ريال فاللتر الله اجعل شي براكااا 

500لتر ف سيمانة ره الف درهم او زيادة غي من اللبن يعني واجب منك تقنوا باش تستافد انا فاش يالله بديت المحلبة والله الا كانت كنخد بيدواا واحد 35لترو تمارة داباا اخوتي والله الا واصل 450 لتر عندي سيتيرناا كنعمرها او نعمر الفريكوا او نبيع الحليب لعبار او زبدة كنبيع بالكيلوا كنعطي لناس افطروا بها والله حتى عباد الله كتخلصني او تسنى حتى توجد زبدة . اللبن فيه الخير واخا حيدتي داك شوية ديال الماء 10لتروا تقريباا بهكاك راه فيه البركة راه كنشريه ب 94ريال ليتروا او كنبيع اللبن ب 7دراهم هدشي ف اكادير حيث كل منطقة او شحال اللبن نهار جمعة راه كنعبر فيه او نحط او فصيف

 راه ياسلام المحلبة فيها تامارة تكرفيص ديال بصاح والكن الرزق الوافر الحمد الله غير بنادم اكون معقول ويكون الله اعمرها دار ويتعامل مع ناس مزيان او مديرش تخلويض مع ناس والله حتى تربح كون غي كابابل او توكل عالله بها دارت داري او تقاتلت او درت بزاف الحوايج فحياتي او عوانت راسي او زيد على هد الخير الحريرة او زيد سفنج او زيد اي حاجة بان ليك فيها شوية ديالك متستسلمش طيح او نوض معاها مهم انا من بعد هد السنوات او هذي المحلبة هدي خليتها لواحد خوياا خدام فيها بنفس سيستيم ديالي حيث هو بطالي او كبير دابا انااا خارج كنقلب الا لقيت شي بلاصة نذير شي واحدة ف اكادير مزال كندرس المواقع مزال كنقلب ان شاء الله خيراا مهم لي عندوا شي استفسار مرحبااا 

او لي بغى شي معلومة مرحبااا او لي بغى نتساعد معاه مرحبااا اي حاجة ف هد الخير مرحبا والله منخبي عليكم والوا لي عرفتوا فهد الخير غنوصلوا ليكم بلي كاين والله اسهل على الجميع والله اسهل على وليدات المغرب نهاركم مبروك خوتي 

منقول

مشروع مقشدة

مشاريع المغرب

مشاريع صغيرة بالمغرب

احسن مشروع ناجح في المغرب

مشروع مربح في المغرب 2019

مقشدة مغربية

مشروع المسمن والحرشة

معدات محلبة