ZAGORA PLUS

نصائح قبل تأسيس مطعم | الإستثمار فى المطاعم | مشروع مطعم | تجربتى الشخصية

اليوم نشارك معاكم مشروع ديال السناك شحال من واحد كيبغي ادير سناك والكن معرفش منين ابدا سناك فاخر المطاف او الماكلة بصيفة عامة فيها الرزق الوفير اصدقائي خاصك غير تكون عازم او توكل عالله المهم بالنسبة المتريال 5د المليون كنظن بلي كافية هدشي من بعد الاصلاح ديال المحال المتريال فقط عندك ‘ثلاجة كنطوار ديال بريزونطاسيون بحال هدي لي فصورة‘فريتوز الة قلي البطاطا‘بريساااا اله الظغط والتسخين‘لابلاك لي هي فاش كطيب‘فريكوا‘ او لاهوت لي هي كتجبد دخان.

تقريبا هدشي لي كاين زيد على دالك طبالي او زيد شوية المواعن اكونوااا انيقين اوزيد مولينيكس فاش تصاوب الميونيز او الا بغيتي دير العواصر راه مزيان مدام عندك فريكوا او ثلاجة غتزيد غير عصارة ديال الليمون راه موجودين احسن ماركا فسوق هي سنطوس واخا غاليا والكن تقدر تبدا بعصارات اخريات حتى هما مزيانين . السلعة باش غتخدم راه باينة عندك لاداند عندك لي صوص راه كيتباعواا فالقراعي عندك الخبز ديال تشيكاا ديال البنيني البوركر او ديال سندويش واخيرااا تورتيااا لي هي فاش كتجمع لي طاكوس. زيد على دالك الفريت او بلا متشري ديك الفريت العيانة فسوق حيث هي المعيار ديال الكليان فاش كتحط ليه شي حاجة او الفرق يينها و بين الفريت الواعرة شي حاجة قليلة مسألة الفريت ضرورية او كدالك الاسكلوب نوكيت (تشكن كتخدم به البوركر) .مهم طريقة ديال تقديم سلعة كيف كتشوفواا فصورة في اقصى اليمين اليمين كاين الاسكلوب او نوكيت او من بعد لاداند مشرملة بثلاثة طرق او لي هي داند ببريكا داند بلانكوا داند كيري 

او بالنسبة لطاكوس من بعد نشرح ليكم اوعر طريقة تجمعوا بها طاكوس ا تصابوا بها طاكوس ويكون زوين فالمداق او بنين هد الخير اخوتي راه زوين او فيه البركة خاصك غير تكون معقول مع ناس او تكون مزيان او مديرش تخلويض او تبغي لناس حاجة نقية او ديرهم بحال راسك متزرفش عباد الله كون نقي فالداخل ديالك والله متخيب اقسم بالله الا غيجيوا عندك ناس فما كنتي انا المحال بعيد على الحومى ديالي والكن بزاف دناس من الحمى كيجيوا عندي الاهم هو طهلا فالعباد

مهم نرجعو الموضوع راه بكثرت معندي منقول تلفت هههه مهم بالنسبة( لببريكا) مشرملة بتحميرة او نوع من العطرية كاين موجود فسوق

الكيري وكدالك موجود فسوق كيتباع او لي كيعطي البنة

او النوع الثالث مشرمل بالكريم فريش لي كنسميوه البلانكوا داند بلانكو

او كاينة صوصيص او الكفثة ديال البكري

فاش كتشرملهم بهد الخير لي قلت ليكم راه كدير الملح او كدير زيت لوسيور الا ل هديك ديال الكريم فريش كتكون بلا زيت

لي صوص عاود كاينين انواع واشكال ديال لي صوص او هناا فين كتكون البنة او هنا هو الفارق خاصك تعرف كيفاش تاللعب بهم حيث كثار او كل نوع ديال لاداند لي قولنا لفوق او لي صوص ديالواا على سبيل المثال لادند ببريكا كنديروا معاها صوص الجيرين algerienne حيث هي حارة

مهم لي عندوا شي استفسار احط فكومنطير نشرح ليه

لي صوص كما قلنا كيتباعوا كاين بزاف algerienne.andalos.biggy.samourai.chezzy.sousblach...

من بعد كاينين les salade

مهم النضافة بلامنوصي خاص كولشي اكون انيق كولشي اكون مقاد او تحاول تفنن من عندك اوتزيد تجتاهد او طهلا فالكليان او ضحك معاهم او لي قاليك زيدني هد لاصوص زيدها لوا لي قالك زيدني شوية الفريت دير اديك و زيدها لواا راه كولشي فضل هد الخير متقمعش العباد او طهلا فناس خاصك تحس به بلي كلااء عندك شبعتيه او جيب سندويش او عمر ليه و دير سندويش ديال طون عمر لناس او عطي او طهلا فيهم او دير ليكات فاش كتخدم او ديما ضحكة متفارقش او تعامل مع الناس بالمزيان اي واحد جا عندك متقلل من شانوا ايكون كما بغى ايكون او فاش ايسالي سولوا كيجاك داك الخير واش مزيان تقرب لناس شوية او خلق معاهم الهضرة باش ازعموا ويخرجوا الملاحظات ديالهم باش انت تاللعب عليهم فالمرك المقبلة اي دير العواصر كلهم فضل او رزق عمر الناس كيسان كبار اكونوا خاثرين دير فيهم زواق قطع شوية ديسير من الفوق او عطيهم ديال شكلاط راه كيتباع رخيص دير فوقوا شوية فروي سيك او من فوقوا طرف ديال شكلاط بيموا او خوي شوية العسل او طلب ثمنك غير طهلا ناس راه كتبغي هد الحوايج متقمعش العباد غير طهلا او شوف ديك ساعة والله الا امة ديال العباد غتجي عندك او ديك ساعة تخدم متلقاش فين تحك راسك اهم حاجة بنادم غير اكون كيتعامل مزيان

هد لي سلاض كولهم فضل كولهم رزق او تكلفة ديالهم رخيصة يكفي واحد 100درهم من بطاطا او خيزوا او البرباا او روز او lea pates او مطيشة او الخس اديوك نهار او مطال او تهلا فناس او عطيهم سلاظ بارداا صيف هدا غتحتاج الميونيز او الكيتشوب او قاد ليهم الامور او عرف كيفاش تستف هد الخير باش اعطي واحد الشكل زوين

تقريبا هدشي لي كاين لي عندوا استفسار احطوا فكومنطير انا غنجاوبوا او نتساعد معاه حتى نوصل ليه الفكرة كما يجب او لي محتاج مساعدة فميدان المحلبة انا فايت ليا درت شرح مفصل اوريت ليكم جميع المراحل او اي حاجة منكم مرحباااا بكم نتمنى التوفيق ليكم الله اسهل على اوايدات المغرب

منقول

تكاليف انشاء مطعم وجبات سريعة في المغرب

مشروع سناك بالمغرب

مشروع مطعم صغير بالمغرب

شروط فتح مطعم في المغرب

مشروع مطعم شعبي بالمغرب

كيفية انشاء مطعم ناجح

كيف ابدا مشروع مطعم صغير

تكلفة انشاء مطعم في الجزائر