مشروعين مطلوبين في المغرب براس مال متوسط و أرباح جيدة

اليوم غادي نحط 2 مشاريع برأس لمال بسيط او ممكن يديروه بنات او دراري او خدام لحمد لله خاص غي صبر او لعزيمة بلاما نطول عليكم ندخل لصلب الموضوع على بركة الله

المشروع 1 : خبز دار شحال من واحد كيحكر هاد لمشروع او قليل الي كيلجأ ليه مع لعلم انه مشروع حلال 100% او خدام بيخير او فيه ربح لحمد لله لموهيم هاد لمشروع ما كيطلبش راس لمال كبير خاص محل ماشي بضرورة يكون ف شارع بل من أفضل يكون ف حي شعبي . انا غادي نعطي معلومات مع ثمن : اولا فران كيدير جديد 2000 درهم قديم كيدير 1000 درهم ، جوج بوطات كبار ، شاريو ديال لوصلات كيدير قديم تقريبا 600 درهم كيخص كونطوار ديال فين تحط لخبز ديال لخشب كيدير 500 درهم ديال لحديد 700 درهم 800 غادي يخص بيرو الي تكرص فيه لخبز غادي تاخدو ب 300 درهم + رخامة ب 200 درهم ، سلعة طحين الا بغيتي تاخد جملة غادي تاخد 10 خنشات ما بين فورص او قمح جوج خنشات كيديرو ليك 500 خبزة تقريبا كنهضر على خبز ديال درهم جوج خنشات ثمن ديالهم 150 درهم بجوج زيد 50 درهم مصاريف اخرى كيبقى ليك 300 درهم ربح صافي هادشي الي قلت كبداية ملي تحرك مزيان او عندك فلوس ممكن تاخد عجانة ماركة مزيانة كدير 6000 درهم الا ما بغيتيش تعجن بيديك او تربح لوقت طبعا هاد لمشروع باش ما تحاشيها لحتى واحد او تخدم راسك او راه كاربح من عرقك او من مجهود ديالك شي سؤال آخر مرحبا ف تعاليق .

مشاريع صغيرة ناجحة للشباب

مشروع 2 : هاد لمشروع بالضبط ما عمرني شفت شي واحد جبدو ف هاد لمجموعة مع انه مشروع زوين او خدام او مطلوب بزاف لموهيم هاد لمشروع كيتعلق ببيع فروماج بأنواعه ( الجبن ) و كذلك بيع رايب ب فروماج او رايب ب كورن فليكس ( راه موجودة ) رايب بمستخلصات الفواكه او كذلك بيع الحليب الطري ديال لبادية لناس الي كتبغي كلشي بيو او حلويات الى بغيتي تزيدهم هاد لمشروع كيبغي محل ماشي بضرورة يكون كبير من أفضل يكون ف شارع اولا بالقرب من المدارس او الشركات او اي شارع محرك ما كيبغيش راس لمال كبير : اولا تلاجة كونطوار تلاجة عادية الالات لصنع الرايب ( كلشي كاين ف يوتوب في ما يخص الطريقة ) سلعة جبن بانواعه كتاخدو جملة او حليب كيجيبو ليك فورنيسور او سلع أخرى راه موجودة ف محلات الكبرى هاد لمشروع بالضبط اقسم بالله الا خدام او عليه طلب بزااف او خدام صيف او شتاء .

إعلان

مشروعين مطلوبين في المغرب براس مال متوسط و أرباح جيدة